Басып чыгаруу

Документтерди сунуштоо

Жогорку соттун судьясынын бошогон ордуна конкурска катышуу үчүн

• Жогорку соттун судьясынын бошогон ордун ээлөөгө конкурс өткөрүү жөнүндө жарыя чыккан күндөн тартып 10 күндүн ичинде

Конкурска катышкысы келген иштеп жаткан судьялар:

• Жогорку соттун судьясынын бошогон ордуна конкурска катышуу жөнүндө арыз берет.

Конституциялык соттун, Жогорку соттун жана жергиликтүү соттордун судьяларынын жеке иштери Конституциялык соттун, Жогорку соттун жана Кыргыз Республикасынын Сот департаментинин аппараттары тарабынан Улуттук кеңешке берилет.

5 жылдык судьялык стажы болуп, конкурска катышкысы келгендер:

• Жогорку соттун судьясынын бошогон кызмат ордуна конкурска катышуу жөнүндө арызын берүүгө тийиш.

Арызга төмөнкүлөрдү тиркөө зарыл:

1. Талапкердин жарандыгын жана жаш курагын жөнүндө ырастаган паспорттун көчүрмөсү
2. Жогорку юридикалык билими жөнүндө дипломдун күбөлөндүрүлгөн көчүрмөсү
3. Талапкердин эмгек китепчесинин, юридикалык адистик боюнча 10 жылдан кем эмес, анын ичинде 5 жылдан кем эмес судьялык стажы бар экендигин ырастаган башка документтердин күбөлөндүрүлгөн көчүрмөлөрү
4. Юридикалык адистик боюнча 5 жылдык судьялык иш стажысы
5. Конкурска катышар алдында бир жылдын ичинде берилген саламаттык абалы жөнүндө медициналык корутунду.

Арызга талапкердин инсандыгын мүнөздөгөн башка документтер (пикирлер, сунуштар) тиркелиши мүмкүн.

Жергиликтүү соттун судьясынын бошогон кызмат ордуна конкурска катышуу үчүн

Улуттук кеңеш белгилеген мөөнөттө жергиликтүү соттун судьясынын бошогон кызмат ордун ээлөөгө конкурс өткөрүү жөнүндө жарыялангандан кийин

Конкурска катышууну каалаган иштеп жаткан судьялар:

• Жергиликтүү соттун судьясынын бошогон кызмат ордун ээлөөгө конкурска катышуу тууралуу арыз берүүгө тийиш.

Конституциялык соттун, Жогорку соттун судьяларынын документтери бул соттордун аппараттары тарабынан түзүлөт жана Сот департаментине берилет. Жергиликтүү соттордун судьяларынын документтери Сот департаменти тарабынан түзүлөт.  

Юридикалык адистик боюнча 5 жылдык стажысы бар жана конкурска катышкысы келгендер:

• Жергиликтүү соттун судьясынын бошогон кызмат ордун ээлөөгө конкурска катышуу тууралуу арыз берүүгө тийиш. 

Арызга төмөнкүлөрдү тиркөө зарыл:

1. талапкердин жарандыгын жана жаш-курагын ырастаган паспортунун көчүрмөсүн
2. жогорку юридикалык билими тууралуу дипломунун күбөлөндүрүлгөн көчүрмөсү 
3. талапкердин юридикалык адистик боюнча иш стажысы бар экендигин ырастаган эмгек китепчесинин, башка документтердин күбөлөндүрүлгөн көчүрмөлөрү
4. конкурска катышардын алдында 1 жылдын ичинде берилген саламаттык абалы жөнүндө медициналык корутунду.
5. Судьялардын кеңеши бекиткен программа боюнча окутуунун жыйынтыктары боюнча сынак тапшыргандыгы жана окугандыгы жөнүндө 3 жыл бою жарай турган күбөлүк (жергиликтүү соттун судьялыгына талапкерлигин койгон жана судьялык иш стажысы болбогон адамдар үчүн)

Арызга талапкердин ким экендигин мүнөздөгөн башка да документтер (пикирлер, сунуштар) тиркелиши мүмкүн.

Улуттук кеңеш:

• документ өткөрүүнүн белгиленген мөөнөтүнөн өтүп кеткенден кийин берилген;
• мурда квалификациялык сынактан өтпөй калган адамдардан (өтө турган балл топтой албай калган) эки жыл өткөнгө чейин документтерди кабыл албайт.

Конкурска катышууга документтер Сот департаментине сот адилеттиги иштери боюнча Улуттук кеңештин дарегине берилет (4-кабат, № 9 бөлмө, КР Судьялар кеңешинин жана КР сот адилеттигинин иштери боюнча Улуттук кеңештин ишин камсыз кылуу сектору).

Сот департаменти арызды жана ага тиркелген документтерди кабыл алгандан кийин талапкердин ага чейинки соттолгондугуу жөнүндө маалыматты тийиштүү органдардан өз алдынча сурайт.

Жергиликтүү соттун судьясынын бошогон кызматын ээлөөгө конкурска катышууга документтери кабыл алынган адамдар талапкерлердин тизмесине киргизилет. Бул тизме «Эркинтоо», «Кыргыз Туусу» жана «Слово Кыргызстана» республикалык газеталарында жарыяланат. Андан тышкары талапкерлердин кесиптик жана моралдык сапаттары жөнүндө элдин пикирин алуу үчүн Улуттук кеңештин интернет-сайтына чыгарылат, пикирлерди алуу үчүн мөөнөттүү Улуттук кеңеш аныктайт.