Басып чыгаруу

Курамы

Сот адилеттиги иштери боюнча Улуттук кеңеш 16 мүчөдөн турат:

1. Кыргыз Республикасынын сот бийлигинин төрт өкүлүнөн;
2. Кыргыз Республикасынын мыйзам чыгаруу бийлигинин төрт өкүлүнөн;
3. Кыргыз Республикасынын аткаруу бийлигинин төрт өкүлүнөн;
4. Коомдук бирикмелердин төрт өкүлүнөн.

Кыргыз Республикасынын Судьялар кеңеши сот бийлигинин өкүлдөрүн шайлайт.

Мыйзам чыгаруу бийлигинин өкүлдөрүн Кыргыз Республикасынын Жогорку Кеңеши Кыргыз Республикасынын Жогорку Кеңешинин депутаттарынын ичинен дайындайт.

Аткаруу бийлигинин өкүлдөрү Кыргыз Республикасы Өкмөтү тарабынан аныкталат.

Коомдук бирикмелердин өкүлдөрүнүн талапкерлери коомдук бирикмелердин чогулушунда шайланат.

Улуттук кеңештин курамынын ыйгарым укуктарынын мөөнөтү үч жылды түзөт. Улуттук кеңештин мүчөлөрү өз ишин коомдук башталышта аткарат. Улуттук кеңештин иши өтүп жаткан учурда Улуттук кеңештин мүчөлөрү өздөрүнүн кызматтык милдеттерин аткаруудан бошотулат жана алар нетьгизги иштеген жеринде алуучу кызмат акыларын сактайт.

Улуттук кеңештин төрагасы жана анын орун басары Улуттук кеңештин мүчөлөрүнүн ичинен бир жыл мөөнөткө жашыруун добуш берүү менен шайланат. Мында Улуттук кеңештин төрагасы жана анын орун басары бир эле бийлик бутагынын же коомдук бирикменин өкүлү боло албайт.